 |
РОДНЫЯ ВОБРАЗЫ
|
|
Вобразы мілыя роднага краю,
Смутак і радасьць мая!..
Якуб Колас
|
|
|
|
|
|
|
|
|
|
Я бачыла ваўка –
Ён у куце стаяў,
Бо цяжкі рух з курка
Яго жыцьцё забраў.
Мой шэры брат лясны
Сівую поўсьць уздыбіў.
Ён бачыў мройна сны
Пра ноч, калі загінуў.
Ў вачах – застылы бляск
Адчайнасьці й волі.
Ён жыць яшчэ жадаў
І здаўся толькі з боем...
Я бачыла ваўка –
У клетцы ён ляжаў,
Бо прагная рука
Яго жыцьцё зламала.
Мой шэры брат лясны
Аб бегу вольным трызьніў.
Ён цяжка бачыў сны,
Ды краты болем ціснуць.
Ў вачах яшчэ быў бляск
Замардаванай волі.
Крыві ён помніў смак
Апошняю вясною...
Я бачыла ваўка –
Па сьнезе ён хадзіў.
Братоў сваіх чакаў
І быў свабодным. Жыў!
Мой шэры брат лясны
Ў кагорце вольнай зграі.
Па сьледу верасным
Іх кроў няспынна гнала.
Ў вачах гарыць вагонь
Непераможнай волі.
Сьпявае маладосьць
Ўладарскім клічам-воем!
|
|
|
|
Падабаецца
Не падабаецца
|
|
|
2009–2020. Беларусь, Менск.
|
|
|
